Jaya Plus News

எழுத்தின் அளவு: அ+ அ- அ

அமெரிக்காவின் லாஸ் ஏஞ்சல்ஸ் நகரில் இன்று கோலாகமலாக நடைபெற்ற 96வது ஆஸ்கர் விருதுகள் வழங்கும் விழாவில், ஓப்பன் ஹெய்மர் திரைப்படம் 7 விருதுகளை தட்டிச்சென்றது.

சர்வதேச அளவில் சினிமாத் துறையில் மிகவும் உயரிய விருதாக ஆஸ்கர் விருது கருதப்படுகிறது. உலகெங்கிலும் இருந்து சிறந்த திரைப்படங்கள், நடிகர், நடிகைகள் மற்றும் தொழில்நுட்ப கலைஞர்களை தேர்வு செய்து அவர்களுக்கு ஆண்டுதோறும் ஆஸ்கர் விருது அளிக்கப்படுவது வழக்கம். அந்த வகையில் 96வது ஆஸ்கர் விருதுகள் வழங்கும் விழா அமெரிக்காவின் லாஸ் ஏஞ்சல்ஸ் நகரில் இன்று கோலாகலமாக நடைபெற்றது. நகைச்சுவை நடிகர் ஜிம்மி கிம்மல் விழாவை தொகுத்து வழங்கினார்.

அதன்படி, கிறிஸ்டோபர் நோலன் இயக்கத்தில் கடந்த ஆண்டு வெளியான ஓப்பன் ஹெய்மர் திரைப்படம் 7 ஆஸ்கர் விருதுகளை குவித்துள்ளது. ஓப்பன் ஹெய்மர் திரைப்படத்தில் ஹீரோவாக நடித்த சிலியன் முர்ஃபிக்கு சிறந்த நடிகருக்கான ஆஸ்கர் விருது கிடைத்துள்ளது. சிறந்த துணை நடிகருக்கான ஆஸ்கர் விருதை ராபர்ட் டவுனி ஜூனியர் வென்றுள்ளார். ஓப்பன் ஹெய்மர் படத்திற்காக அவருக்கு இந்த விருது வழங்கப்பட்டு உள்ளது. சிறந்த இயக்குனருக்கான ஆஸ்கர் விருது ஓப்பன் ஹெய்மர் படத்தை இயக்கிய கிறிஸ்டோபர் நோலனுக்கு வழங்கப்பட்டது. இதேபோல ஓப்பன் ஹெய்மர் படத்திற்காக ஜெனிஃபர் லேமுக்கு சிறந்த படத்தொகுப்பாளருக்கான ஆஸ்கர் விருதும், ஹொய்டி வேன் ஹொய்டிமாவுக்கு சிறந்த ஒளிப்பதிவாளருக்கான ஆஸ்கர் விருதும், சிறந்த ஒரிஜினல் ஸ்கோர் இசைக்கான ஆஸ்கர் விருது லுட்விக் கொரான்சனுக்கும் வழங்கப்பட்டது. best picture-க்கான ஆஸ்கர் விருதையும் ஓப்பன் ஹெய்மர் திரைப்படம் தட்டிச் சென்றது.

சிறந்த சர்வதேச திரைப்படத்திற்கான ஆஸ்கர் விருது The Zone of Interest என்கிற பிரிட்டன் படத்திற்கு கிடைத்துள்ளது. அந்த படத்தின் இயக்குனர் ஜோனாதன் கிலாசர் ஆஸ்கர் விருது பெற்றார். சிறந்த நடிகைக்கான விருது புவர் திங்ஸ் படத்தில் நடித்த எம்மா ஸ்டோனுக்கு வழங்கப்பட்டுள்ளது. சிறந்த துணை நடிகைக்கான ஆஸ்கார் விருதை Davine Joy Randolph வென்றுள்ளார். 'The Holdovers' படத்தில் சிறப்பான நடிப்பை வெளிப்படுத்தியதற்காக அவருக்கு இந்த விருது வழங்கப்பட்டது. சிறந்த அனிமேஷன் குறும்படத்திற்கான ஆஸ்கர் விருது ஜான் மற்றும் யோகோவின் இசையால் ஈர்க்கப்பட்டு உருவாக்கப்பட்ட War Is Over என்கிற குறும்படத்துக்கு வழங்கப்பட்டது. சிறந்த அனிமேஷன் திரைப்படத்திற்கான ஆஸ்கார் விருதை 'தி பாய் அண்ட் தி ஹெரான்' திரைப்படம் வென்றுள்ளது. ஹயாவ் மியாசாகி மற்றும் தோஷியோ சுசுகி ஆகியோர் ஆஸ்கர் விருதை பெற்றுக்கொண்டனர். சிறந்த மேக்கப் கலைஞருக்கான ஆஸ்கர் விருதுகள் நதியா ஸ்டாசே, மார்க் கூலியர் மற்றும் ஜோஷ் வெஸ்டன் ஆகியோருக்கு புவர் திங்ஸ் படத்துக்காக வழங்கப்பட்டது. இவை தவிர Godzilla Minus One திரைப்படம் சிறந்த விஷுவல் எஃபெக்ட்ஸுக்கான ஆஸ்கர் விருதையும், The Last Repair Shop என்ற குறும்படம் சிறந்த ஆவண குறும்படத்திற்கான ஆஸ்கர் விருதையும் தட்டிச் சென்றன.

சிறந்த ஆவணப்படத்திற்கான ஆஸ்கர் விருதை 20 Days in Mariupol ஆவணப்படம் வென்றுள்ளது. செர்னோவ், மிச்லே மிஸ்னர், ரேனே அரான்சன் ஆகியோர் இவ்விருதை பெற்றுக்கொண்டனர். பார்பி படத்தில் இடம்பெற்ற What Was I Made For என்ற பாடலுக்கு சிறந்த ஒரிஜினல் பாடலுக்கான ஆஸ்கர் விருது கிடைத்துள்ளது.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

ஓபன் ஹெய்மர் படத்திற்கு 7 ஆஸ்கர் விருதுகள்

All Categories

தொடர்பான செய்திகள்

சினிமா

''உயிரைப் பணயம் வைத்து ரசிகர்கள் அன்பு காட்ட வேண்டாம்'' - நடிகர் அஜித்குமார்...

சினிமா

கரூர் சம்பவத்திற்கு ஒருவர் மட்டுமே பொறுப்பல்ல - மனம் திறந்த நடிகர் அஜித்குமார்...

சினிமா

"Bro Code" எனும் பெயரை பயன்படுத்த டெல்லி உயர்நீதிமன்றம் தடை...

சினிமா

ஏழுமலையான் கோயிலில் நடிகர் அஜித் சுவாமி தரிசனம்...

சினிமா

இசையமைப்பாளர் தேவாவின் சகோதரர் சபேஷ் காலமானார்

சமீபத்திய செய்திகள்

தமிழகம்

கோவை சம்பவம் - 3 பேர் மீதும் பல்வேறு வழக்குகள் உள்ளன - காவல் ஆணையர் சரவணசுந்தர்...

க்ரைம்

கோவையில் 3 பேர் கைது செய்யப்பட்ட இடத்தில் தடயவியல் துறையினர் ஆய்வு...

தமிழகம்

சென்னையில் ஆபரண தங்கத்தின் விலை சவரனுக்கு ரூ.800 குறைந்தது...

தமிழகம்

தமிழகத்தில் இன்றுமுதல் S.I.R. தொடக்கம்

தமிழகம்

கோவை சம்பவம் - 3 பேர் மீதும் பல்வேறு வழக்குகள் உள்ளன - காவல் ஆணையர் சரவணசுந்தர்...

Get In Touch

Contact Info