Jaya Plus News

எழுத்தின் அளவு: அ+ அ- அ

இமாச்சலப்பிரதேச மாநிலத்தில் கனமழை வெள்ளத்தால் பாதிக்கப்பட்ட இடங்களை பிரதமர் மோடி ஹெலிகாப்டரில் சென்று ஆய்வு மேற்கொண்டார்.

இமாச்சலப் பிரதேசம், ஜம்மு காஷ்மீர், பஞ்சாப், உத்தரப்பிரதேசம், உத்தராகண்ட் உள்ளிட்ட மாநிலங்களில் கனமழை, வெள்ளப்பெருக்கு மற்றும் நிலச்சரிவால் உயிரிழப்பும், பொருட்சேதமும் ஏற்பட்டு வருகிறது.

குறிப்பாக இமாச்சலப்பிரதேச மாநிலத்தில் மேகவெடிப்பு, கனமழை, வெள்ளம், நிலச்சரிவு போன்ற பேரிடர்கள் ஏற்பட்டு கடந்த ஒரு மாதத்திற்கும் மேலாக பொதுமக்களின் இயல்பு வாழ்க்கை கடுமையாக பாதிக்கப்பட்டு உள்ளது. பேரிடர்களில் சிக்கி இதுவரை 366 பேர் உயிரிழந்துள்ளதாக தெரிவிக்கப்பட்டுள்ளது. மழை, வெள்ளம், நிலச்சரிவால் சுமார் 4 ஆயிரம் கோடி ரூபாய் மதிப்பிலான அரசு சொத்துகள் சேதமடைந்துள்ளதாக தகவல்கள் வெளியாகியுள்ளன.

இந்த நிலையில், இமாச்சலப்பிரதேசத்தில் மழை வெள்ளத்தால் பாதிக்கப்பட்ட பகுதிகளை பிரதமர் மோடி ஹெலிகாப்டரில் சென்றபடி பார்வையிட்டு ஆய்வு செய்தார். இதன் பின்னர், பஞ்சாப் மாநிலத்தில் வெள்ளத்தால் பாதிக்கப்பட்ட இடங்களை பிரதமர் மோடி பார்வையிட உள்ளதாக தெரிவிக்கப்பட்டுள்ளது.

பின்னர் இமாச்சலப்பிரதேச மாநில முதலமைச்சர் சுக்விந்தர் சிங் சுகு, நாடாளுமன்ற உறுப்பினர்கள் மற்றும் அதிகாரிகளுடனான ஆலோசனை கூட்டத்தில் பிரதமர் மோடி கலந்து கொண்டார். அப்போது, இமாச்சல பிரதேசத்தில் ஏற்பட்ட வெள்ளம் மற்றும் நிலச்சரிவுகளில் உறவினர்களை இழந்தவர்களுக்கு தனது இரங்கலை தெரிவித்து கொள்வதாக கூறிய பிரதமர் மோடி, தற்போதைய சவாலை எதிர்கொள்ள மத்திய அரசு மாநில அரசுடன் இணைந்து செயல்படும் எனவும் குறிப்பிட்டார்.

இதைத்தொடர்ந்து பஞ்சாப் மாநிலத்தில் ஏற்பட்ட மழை வெள்ள பாதிப்புகளை பிரதமர் மோடி, ஹெலிகாப்டரில் சென்று பார்வையிட்டு ஆய்வு செய்தார். அப்போது, அவருடன் பயணித்த அதிகாரி ஒருவர், பாதிப்புகள் குறித்து பிரதமருக்கு விளக்கினார்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

ஹிமாச்சல் - வெள்ள பாதிப்புகளை பார்வையிட்ட பிரதமர் மோடி

All Categories

தொடர்பான செய்திகள்

இந்தியா

குடியரசு துணைத்தலைவர் தேர்தல் - 98.3% வாக்குகள் பதிவு

இந்தியா

ஹிமாச்சல் - வெள்ள பாதிப்புகளை பார்வையிட்ட பிரதமர் மோடி...

இந்தியா

யமுனையில் பாயும் வெள்ளம் - அபாய கட்டத்தில் அதிசய சின்னம்...

இந்தியா

குடியரசு துணைத் தலைவர் தேர்தல்

இந்தியா

ஆதாரை 12வது ஆவணமாக ஏற்றிடுக - தேர்தல் ஆணையத்திற்கு உத்தரவு...

சமீபத்திய செய்திகள்

இந்தியா

குடியரசு துணைத்தலைவர் தேர்தல் - 98.3% வாக்குகள் பதிவு...

தமிழகம்

தூய்மை பணியாளர்கள் போராட்ட விவகாரம் - ஒரு நபர் ஆணையம் - உத்தரவு நிறுத்திவைப்பு...

தமிழகம்

செங்கோட்டையன் எண்ணம் வெற்றி பெற வாழ்த்து - ஓ.பன்னீர்செல்வம்...

தமிழகம்

மதுரையில் ரூ.150 கோடி சொத்துவரி வரி முறைகேடு - மேலும் 4 பேர் கைது...

இந்தியா

குடியரசு துணைத்தலைவர் தேர்தல் - 98.3% வாக்குகள் பதிவு...

Get In Touch

Contact Info