Jaya Plus News

எழுத்தின் அளவு: அ+ அ- அ

புகழ்பெற்ற உளுந்தூர்பேட்டை அருகே உள்ள கூவாகம் கூத்தாண்டவர் கோயில் சித்திரை திருவிழாவின் ஒருபகுதியாக நடைபெற்ற தேரோட்டத்தில், ஏராளமான பொதுமக்கள் கலந்து கொண்டு தேரை வடம் பிடித்து இழுத்தனர்.

கள்ளக்குறிச்சி மாவட்டம் உளுந்தூர்பேட்டை அருகே உள்ள திருநங்கைகள் கொண்டாடும் கூவாகம் கூத்தாண்டவர் கோயில் சித்திரை திருவிழா தேரோட்டம் வெகு விமர்சையாக நடைபெற்று வருகிறது.

கடந்த ஒன்பதாம் தேதி கொடியேற்றம் மற்றும் சாகைவார்த்தல் நிகழ்ச்சியுடன் தொடங்கிய திருவிழாவில், நேற்று திருநங்கைகள் தாலி கட்டிக் கொள்ளும் நிகழ்வும், அதனை தொடர்ந்து இன்று காலை 6 மணியளவில் அரவான் சிரசுக்கு திருக்கண் திறக்கும் நிகழ்ச்சியும் நடைபெற்றது.

அதனைத் தொடர்ந்து கீரிமேடு கிராமத்தில் இருந்து கொண்டுவரப்பட்ட புஜம், மார்பும், நத்தம் கிராமத்திலிருந்து கொண்டுவரப்பட்ட கை, கால்களை, சிவிலியன்குளம் கிராமத்தில் இருந்து கொண்டு வரப்பட்ட 21 அடி உயர தேரில் பொருத்தினர்.

தொடர்ந்து அரவான் சிரசு கோயிலை சுற்றி வலம் வந்து தேரில் பொருத்தப்பட்ட நிலையில், மகா தீபாராதனையுடன் தேரோட்டம் நடைபெற்றது. இதில் திருநங்கைகள் மற்றும் ஏராளமான பொதுமக்கள் கலந்து கொண்டு தேரை வடம் பிடித்து இழுத்தனர்.

அப்போது கிராம மக்கள் தங்கள் நிலத்தில் விளைந்த பொருட்களையும், சில்லரைக் காசுகளையும் சுவாமி மீது வீசி வழிபட்டனர். தேர் செல்லும் பாதையில் திருநங்கைகள் சூரத்தேங்காய்களை உடைத்து கற்பூரம் ஏற்றி கும்மியடித்து வழிபட்டனர். தேரோட்ட திருவிழாவையொட்டி, எஸ்.பி. சமய்சிங் மீனா தலைமையிலான போலீசார் பாதுகாப்பு பணியில் ஈடுபட்டனர்.

இதனைத் தொடர்ந்து, அரவானை கணவனாக ஏற்றுக் கொண்டு பூசாரி கையால் தாலி கட்டிக் கொண்ட திருநங்கைகள், தாங்கள் அணிந்திருந்த தாலியை துறக்கும் நிகழ்ச்சி நடைபெற்றது. அப்போது. நெற்றியில் உள்ள பொட்டை அழித்து வளையல்களை உடைத்து திருநங்கைகள் தாலியைத் துறந்தனர். இதனையடுத்து அங்குள்ள கிணற்றில் நீராடியபின் வெள்ளை புடவை அணிந்து விதவை கோலத்தில் திருநங்கைகள் தங்கள் ஊருக்கு புறப்பட்டு சென்று வருகின்றனர்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

உளுந்தூர்பேட்டை கூவாகம் கூத்தாண்டவர் கோயில் தேரோட்டம் உற்சாகம்

All Categories

தொடர்பான செய்திகள்

ஆன்மீகம்

திருப்பதி - சாமி தரிசனத்திற்கு 24 மணி நேரம் காத்திருக்கும் பக்தர்கள்...

ஆன்மீகம்

ஹஜ் புனித யாத்ரீகர்களை வழி அனுப்பும் விழா

ஆன்மீகம்

சேலம் கோட்டை அழகிரிநாதர் சுவாமி கோயிலில் வைகாசி திருவிழா கொடியேற்றம்...

ஆன்மீகம்

பழனி முருகன் கோவில் வைகாசி விசாக திருவிழா கொடியேற்றத்துடன் துவக்கம்...

ஆன்மீகம்

சபரிமலை-பம்பையில் வாகனங்களை நிறுத்த அனுமதி

சமீபத்திய செய்திகள்

இந்தியா

ஹரியானாவில் சுற்றுலா பேருந்தில் தீ விபத்து - 8 பேர் பலி...

க்ரைம்

பெரம்பலூர் - ரூ.1.50 கோடி மதிப்பிலான கஞ்சா பறிமுதல்

தமிழகம்

குற்றால அருவிகள் மூடல் - அனைத்து அருவிகளும் மூடப்படுவதாக மாவட்ட நிர்வாகம் அறிவிப்பு...

தமிழகம்

தலைக்குப்புற கவிழ்ந்து நொறுங்கிய கார் - ஒருவர் பலி...

இந்தியா

ஹரியானாவில் சுற்றுலா பேருந்தில் தீ விபத்து - 8 பேர் பலி...

Get In Touch

Contact Info