Jaya Plus News

எழுத்தின் அளவு: அ+ அ- அ

மத்திய அரசின் 2024- 2025ஆம் ஆண்டுக்கான இடைக்கால நிதிநிலை அறிக்கையை, ஒரு வழக்கமான நிதிநிலை அறிக்கையாகத் தான் பார்க்க முடிகிறது என, அஇஅதிமுக பொதுச்செயலாளர் புரட்சித்தாய் சின்னம்மா தெரிவித்துள்ளார். ஆயுஷ்மான் காப்பீடு திட்டம், அங்கன்வாடி ஊழியர்கள் மற்றும் தூய்மைப் பணியாளர்களுக்கும் விரிவுபடுத்தப்படும் - 9 முதல் 14 வயதுக்குட்பட்ட பெண் குழந்தைகளுக்கு, கர்ப்பப்பை புற்றுநோயைத் தடுப்பதற்கான தடுப்பூசி போடப்படும் - அடுத்த 5 ஆண்டுகளில் 2 கோடி இலவச வீடுகள் கட்டித் தரப்படும் என்ற அறிவிப்புகள் வரவேற்கத்தக்கவை என, புரட்சித்தாய் சின்னம்மா தெரிவித்துள்ளார்.

அஇஅதிமுக பொதுச்செயலாளர் புரட்சித்தாய் சின்னம்மா, எக்ஸ் வலைதளத்தில் வெளியிட்டுள்ள பதிவில், மத்திய அரசு தாக்கல் செய்துள்ள 2024-2025 ஆம் ஆண்டுக்கான இடைக்கால நிதிநிலை அறிக்கையில் குறிப்பிட்டுள்ள அம்சங்களை பார்க்கும் போது, ஒரு வழக்கமான அறிக்கையாகத்தான் பார்க்கமுடிகிறது என்றும், அதே சமயத்தில் மக்கள் மிகவும் எதிர்பார்த்து இருந்த, ஒரு சில அறிவிப்புகள் இடம்பெறாமல் போனது துரதிருஷ்டவசமானது என்றும் தெரிவித்துள்ளார்.

விவசாயிகள், ஏழைகள், பெண்கள் மற்றும் இளைஞர்கள் ஆகியோருக்கு முக்கியத்துவம் அளிக்கப்பட்டு வருவது வரவேற்கத்தக்கதாக இருந்தாலும், அவர்களின் சில இன்றியமையாத தேவைகள் இன்னமும் பூர்த்தியடையாமல் இருப்பதையும் மத்திய அரசு கவனத்தில் கொள்ள வேண்டும் - 11.8 கோடி விவசாயிகளுக்கு வங்கிக் கணக்குகளில் நேரடியாக மானியம் செலுத்தப்பட்டுள்ளது என்ற செய்தி மகிழ்ச்சியை அளித்தாலும், விவசாயிகள் எதிர்பார்த்து இருந்த நதிநீர் இணைப்பு, விவசாய கடன் தள்ளுபடி, நெல்லுக்கான ஆதார விலையை உயர்த்துவது சம்பந்தப்பட்ட அறிவிப்புகள் இந்த இடைக்கால அறிக்கையில் இடம்பெறாமல் போய்விட்டன என்று புரட்சித்தாய் சின்னம்மா குறிப்பிட்டுள்ளார்.

நாடாளுமன்றம், சட்டமன்றங்களில் 3ல் ஒரு பங்கு இடங்கள் மகளிருக்கு ஒதுக்கீடு செய்யப்பட்டதையும், பத்து ஆண்டுகளில் 30கோடி பெண்களுக்கு தொழிற்கடன் வழங்கப்பட்டுள்ளதையும் எண்ணி மகிழ்ச்சியடைவதாக, அஇஅதிமுக பொதுச்செயலாளர் புரட்சித்தாய் சின்னம்மா தெரிவித்துள்ளார். ஆயுஷ்மான் காப்பீடு திட்டம் அங்கன்வாடி ஊழியர்கள், தூய்மை பணியாளர்களுக்கும் விரிவுபடுத்தப்படும் - 9 முதல் 14 வயதுக்குட்பட்ட பெண் குழந்தைகளுக்கு கர்ப்பப்பை புற்றுநோயை தடுப்பதற்கான தடுப்பூசி போடப்படும் என்ற அறிவிப்புகள் வரவேற்கத்தக்கவை- அதே நேரத்தில் பணிபுரியும் தாய்மார்களுக்கு அதிக ஊதியத்துடன் கூடிய விடுமுறையை வழங்குவது குறித்தும், பெண் தொழில் முனைவோர்களை ஊக்குவிக்கும் வகையில் சிறப்பு அறிவிப்புகள் ஏதும் இடம்பெறாமல் போய்விட்டது என புரட்சித்தாய் சின்னம்மா குறிப்பிட்டுள்ளார்.

சூரிய மின் திட்டத்தின் மூலம் 1 கோடி வீடுகளுக்கு மாதந்தோறும் 300 யூனிட் இலவச மின்சாரம் வழங்கப்படும் என்றும், மத்திய அரசின் திட்டத்தின் கீழ் தற்போது வரை சுமார் 3 கோடி வீடுகள் கட்டிக் கொடுக்கப்பட்டுள்ளதாகவும், அடுத்த 5 ஆண்டுகளில் 2 கோடி இலவச வீடுகள் கட்டித் தரப்படும் என்ற அறிவிப்புகள் வரவேற்கத்தக்கவை- 78 லட்சம் சாலையோர வியாபாரிகளுக்கு கடனுதவி வழங்கப்பட்டிருப்பது வரவேற்கத்தக்கது- மேலும்,தொழில் தொடங்க வட்டியில்லாக் கடன் வழங்குவதற்காக 1 லட்சம் கோடி ரூபாயில் புதிய நிதியம் அமைக்கப்படுவது, இளைஞர்களின் முன்னேற்றத்திற்கு வழிவகுக்கக்கூடும் - வருமான வரி விதிப்பில் கடந்த ஆண்டு அறிவிக்கப்பட்ட நடைமுறை தொடரும் என்று அறிவித்ததன் மூலம், தனிநபர் வருமான வரி விலக்கு உச்சவரம்பு உயர்த்தக்கூடும் என்று எதிர்பார்த்து காத்திருந்தவர்களுக்கு மிகப்பெரிய ஏமாற்றத்தை அளித்துள்ளது-

எனவே, மொத்தத்தில் மத்திய அரசின் 2024-2025ஆம் ஆண்டுக்கான இடைக்கால நிதிநிலை அறிக்கையை ஒரு வழக்கமான நிதிநிலை அறிக்கையாகத்தான் பார்க்கமுடிகிறது என அஇஅதிமுக பொதுச்செயலாளர் புரட்சித்தாய் சின்னம்மா தெரிவித்துள்ளார்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

வழக்கமான நிதிநிலை அறிக்கையே தாக்கல் - புரட்சித்தாய் சின்னம்மா

All Categories

தொடர்பான செய்திகள்

தமிழகம்

தமிழகத்தில் தலைவிரித்தாடும் போதை பொருள் கலாச்சாரம் : புரட்சித்தாய் சின்னம்மா வேதனை...

தமிழகம்

மாண்புமிகு அம்மா கொண்டு வந்த அம்மா குடிநீர் திட்டத்தை முடக்கிய விளம்பர திமுக அரசு...

தமிழகம்

சென்னையில் மேம்பால பணிக்காக முக்கிய சாலைகளில் ஒரு வருடத்திற்கு போக்குவரத்து மாற்றம்...

தமிழகம்

திருப்பத்தூர்: வாணியம்பாடி அருகே பைக் மீது டிராக்டர் மோதி விபத்து...

தமிழகம்

சென்னை: திடீரென தீப்பற்றி எரிந்த BMW சொகுசு கார்

சமீபத்திய செய்திகள்

விளையாட்டு

ஐபிஎல் தொடரின் 43வது ஆட்டத்தில் மும்பை அணியை வீழ்த்தி டெல்லி அணி அபார வெற்றி...

விளையாட்டு

7 விக்கெட் வித்தியாசத்தில் லக்னோவை வீழ்த்திய ராஜஸ்தான் ராயல்ஸ்...

விளையாட்டு

ஐபிஎல்: மே 1ம் தேதி சென்னை-பஞ்சாப் அணிகள் மோதல்

விளையாட்டு

புதுச்சேரி: மாநில அளவிலான விளையாட்டு போட்டி - 200க்கும் மேற்பட்டோர் பங்கேற்பு...

விளையாட்டு

ஐபிஎல் தொடரின் 43வது ஆட்டத்தில் மும்பை அணியை வீழ்த்தி டெல்லி அணி அபார வெற்றி...

Get In Touch

Contact Info