பாஜக சார்பில் தமிழகத்தில் தென் சென்னை வேட்பாளராக தமிழிசை சவுந்தரராஜனும், கோவையில் மாநிலத்தலைவர் அண்ணாமலையும் போட்டியிடுகின்றனர்.
பாரதிய ஜனதா கட்சி சார்பில் தமிழகத்தில் இருந்து மக்களவை தேர்தலில் போட்டியிடும் 9 வேட்பாளர்களின் பட்டியலை கட்சியின் தேசிய பொதுச்செயலாளரான அருண் சிங் வெளியிட்டுள்ளார்.
இதன்படி பாஜக சார்பில் தமிழகத்தில் தென் சென்னை வேட்பாளராக தமிழிசை சவுந்தரராஜனும், சென்னை மத்திய தொகுதியில் வினோஜ் செல்வமும் போட்டியிடுகின்றனர். கோவையில் மாநிலத்தலைவர் அண்ணாமலையும், வேலூரில் கூட்டணி கட்சியை சேர்ந்த டாக்டர். ஏ.சி. சண்முகமும் போட்டியிடுகின்றனர். கிருஷ்ணகிரி தொகுதியில் நரசிம்மனும் நீலகிரி தனித்தொகுதியில் மத்திய இணையமமைச்சர் டாக்டர் எல் முருகனும் போட்டியிடுகின்றனர். பெரம்பலூரில் கூட்டணி கட்சியை சேர்ந்த பாரிவேந்தரும், திருநெல்வேலியில் நயினார் நாகேந்திரனும் போட்டியிடுகின்றனர். கன்னியாகுமரி தொகுதியில் பொன். ராதாகிருஷ்ணன் போட்டியிடுவதாக அறிவிக்கப்பட்டு உள்ளது.