ராமநாதபுரம் அருகே அரசு பள்ளி வகுப்பறையில் பத்தாம் வகுப்பு மாணவன் தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தியது.

ராமநாதபும் மாவட்டம் A. புனவாசல் கிராமத்தைச் சேர்ந்தவர் ஜெகநாதன். இவரது மகன் தீபக் கடலாடி அரசு மேல்நிலைப்பள்ளியில் 10ம் வகுப்பு படித்து வந்துள்ளார். இவர் மனநலம் பாதிக்கப்பட்டவர் என்றும், அடிக்கடி வீட்டை விட்டு வெளியேறி காணாமல்போய் விடுவார் என்றும் கூறப்படுகிறது. அதேபோல் கடந்த 6 மாதங்களுக்கு முன்பு வீட்டை விட்டு வெளியேறிய தீபக்கை அவரது பெற்றோர் கடந்த 10 நாட்களுக்கு முன்பு தான் கண்டு பிடித்துள்ளனர். இந்நிலையில் இன்று வழக்கம் போல் பள்ளிக்கு சென்ற மாணவன், வகுப்பறையிலேயே தூக்கிட்டு தற்கொலை செய்து கொண்டார். இதுகுறித்து தகவலறிந்து வந்த போலீசார், மாணவனின் உடலை மீட்டு பிரேத பரிசோதனைக்காக கடலாடி அரசு மருத்துவமனைக்கு அனுப்பி வைத்தனர். மேலும், மாணவனின் தற்கொலைக்கான காரணம் குறித்தும் விசாரணை மேற்கொண்டு வருகின்றனர்.