புதுக்கோட்டையில் பிரதான சாலையில் செயல்படும் டாஸ்மாக் கடைகளால் போக்குவரத்து நெரிசல் : சாலையில் மது அருந்தும் மதுப்பிரியர்களால் பெண்கள் அச்சம்
Sep 23 2023 11:23AM
எழுத்தின் அளவு:
அ +
அ -
அ
புதுக்கோட்டை புதிய பேருந்து நிலையம் எதிரே செயல்படும் டாஸ்மாக் மதுபானக்கடைகளை வேறு இடத்திற்கு மாற்ற வேண்டும் என பொதுமக்கள் கோரிக்கை விடுத்துள்ளனர். பிரதான சாலையில் செயல்படும் இரண்டு அரசு மதுபான கடையால் நாள்தோறும் கடும் போக்குவரத்து நெரிசல் ஏற்படுகிறது. மேலும், எந்நேரமும் தள்ளாடியபடி சுற்றித்திரியும் குடிமகன்களால், அவ்வழியே செல்லும், மாணவிகள், பெண்கள் மற்றும் பொதுமக்கள் கடும் இன்னலுக்கு ஆளாகின்றனர். மது பிரியர்கள் இரவு வேளையில் சாலையோரத்திலேயே மது அருந்துவதால் பெண்கள் அப்பகுதி வழியே செல்வதற்கே அச்சப்படுகின்றனர். எனவே சம்மந்தப்பட்ட அதிகாரிகள் டாஸ்மாக் கடையை வேறு இடத்திற்கு மாற்ற நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.