தமிழகத்தில் ஜூன் 7ஆம் தேதி பள்ளிகள் திறக்கப்படவுள்ள நிலையில் சிறப்பு பேருந்துகள் இயக்கம் : மதுரை, நெல்லை, திருச்சி உள்ளிட்ட மாவட்டங்களிலிருந்து 2,200 சிறப்பு பேருந்துகள் இயக்கப்படும் என போக்குவரத்து துறை தகவல்
Jun 2 2023 4:53PM
எழுத்தின் அளவு:
அ +
அ -
அ
வருகிற 7-ம் தேதி பள்ளிகள் திறப்பதை முன்னிட்டு தமிழ்நாடு அரசு போக்குவரத்து கழகம் சிறப்பு பேருந்துகளை இயக்க திட்டமிட்டுள்ளது. இந்த வருடம் பள்ளிகளுக்கான கோடைக்கால விடுமுறை முடிந்து வரும் 7ம் தேதி அன்று பள்ளிகள் திறக்க இருப்பதால், வார இறுதி நாட்களான வெள்ளி, சனி மற்றும் ஞாயிறு ஆகிய தினங்களில் கூடுதலான பயணிகள் தமிழகம் எங்கும் பயணம் மேற்கொள்வார்கள் என எதிர்பார்க்கப்படுகிறது. இதனை கருத்தில் கொண்டு தமிழ்நாடு அரசு போக்குவரத்து கழகங்கள் தினசரி இயக்கப்படும் பேருந்துகளுடன் கூடுதலாக சிறப்பு பேருந்துகளை இயக்க திட்டமிடப்பட்டுள்ளது. தமிழகத்தின் முக்கிய இடங்களிலிருந்து வார இறுதி நாட்களில் சென்னைக்கு 900 பேருந்துகளும் மற்றும் பல்வேறு இடங்களிலிருந்து, கோவை, மதுரை, திருச்சி, சேலம் போன்ற இடங்களிலிருந்து முக்கிய இடங்களுக்கும் ஆயிரத்து 300 சிறப்பு பேருந்துகளும் ஆக மொத்தம் 2 ஆயிரத்து 200 பேருந்துகள் இயக்க திட்டமிடப்பட்டுள்ளது.