Jaya Plus News

எழுத்தின் அளவு: அ+ அ- அ

கோவை உப்பிலிபாளையம் மேம்பாலத்தில் கட்டுப்பாட்டை இழந்து கவிழ்ந்த டேங்கர் லாரியில் இருந்து சமையல் எரிவாயு கசிந்ததால் பதற்றம் நிலவியது. சுமார் 8 மணி நேரத்திற்கு பின் லாரி அகற்றப்பட்டதால் மக்கள் நிம்மதி அடைந்துள்ளனர்.

கேரள மாநிலம் கொச்சியில் இருந்து 20 மெட்ரிக் டன் எடைகொண்ட சமையல் எரிவாயு சிலிண்டருடன் கோவை கணபதி பகுதியில் உள்ள சமையல் எரிவாயு பிடிக்கும் தொழிற்சாலைக்கு டேங்கர் லாரி ஒன்று வந்தது. இன்று அதிகாலை உப்பிலிபாளையம் மேம்பாலம் மேலே வரும் பொழுது அந்த லாரியின் ஆக்ஸில் உடைந்ததால் கட்டுப்பாட்டை இழந்து கவிழ்ந்தது. இதையடுத்து லாரியில் இருந்த தனியாக பிரிந்து மேம்பாலத்தில் உருண்ட டேங்கரில் இருந்து சமையல் எரிவாயு கசிய தொடங்கியது.

சமையல் எரிவாயு கவிழ்ந்ததால் பரபரப்பு ஏற்பட்ட நிலையில், முன்னெச்சரிக்கை நடவடிக்கையாக மேம்பாலத்தில் போக்குவரத்து தடை செய்யப்பட்டு மாற்று வழியில் வாகனங்கள் செல்ல ஏற்பாடு செய்யப்பட்டது. சம்பவ இடத்திற்கு விரைந்து வந்த தீயணைப்புத் துறையினர் அசம்பாவிதம் எதுவும் ஏற்படாமல் இருக்க, டேங்கரில் இருந்து கசிந்த எரிவாயு மீது தண்ணீரைப் பீய்ச்சி அடித்தனர்.

சம்பவம் நடைபெற்ற இடத்தை பார்வையிட்ட கோவை மாநகர காவல் ஆணையாளர் சரவணன் சுந்தர், விபத்துக்குள்ளான டேங்கர் லாரியில் 18 டன் சமையல் எரிவாயு இருப்பதாக கூறினார். பாதுகாப்பு கருதி, விபத்துக்குள்ளான இடத்தில் இருந்து ஒரு கிலோ மீட்டர் சுற்றளவில் உள்ள மக்கள் வெளியேற்றப்பட்டனர். விபத்து நடந்த இடத்திற்கு அருகாமையில் 500 மீட்டர் தூரத்தில் உள்ள 5 பள்ளிகளுக்கு மட்டும் இன்று விடுமுறை அளிக்கப்பட்டுள்ளது.

5 மணிநேரத்திற்கும் மேலாக தொடர்ந்த மீட்பு பணிகளையடுத்து எரிவாயு கசிவு கட்டுப்படுத்தப்பட்டது. இதையடுத்து விபத்து ஏற்பட்ட வாகனத்தை பீளமேடு கேஸ் குடோன் பகுதிக்கு எடுத்து செல்லும் பணி நடைபெற்று வருகிறது. இதற்காக திருச்சியில் இருந்து மீட்பு வாகனம் வரவழைக்கப்படுகிறது. இதனிடையே பள்ளிகளுக்கு விடுமுறை அறிவிக்கப்படும் முன் பள்ளிக்கு சென்ற மாணவர்களை அவர்களது பெற்றோர் அழைத்து சென்றனர்.

இதனிடையே, சம்பவ இடத்தில் மாவட்ட ஆட்சியர் கிராந்தி குமார் பாடி ஆய்வு செய்தார். காவல்துறை மற்றும் பாரத் கேஸ் நிறுவன அதிகாரிகளுடன் ஆலோசனை நடத்திய பின்பு செய்தியாளர்களுக்கு பேட்டியளித்த அவர், விபத்துக்கான காரணம் குறித்து விசாரணை மேற்கொள்ளப்படும் என்று கூறினார்.

இந்நிலையில், வாயு கசிவுக்கு காரணமான டேங்கர் லாரி, கிரேன் உதவியுடன் நீண்ட போராட்டத்திற்கு பின் அகற்றப்பட்டது. டேங்கரில் இருந்த துளைகள் அடைக்கப்பட்ட நிலையில், 8 மணி நேரத்துக்குப் பின்னர் டேங்கரை மீட்பு படையினர் பத்திரமாக அகற்றினர். இதனால் உப்பிலிபாளையம் மக்கள் நிம்மதி அடைந்தனர்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

எரிவாயு டேங்கர் லாரி அகற்றம் - மக்கள் நிம்மதி

All Categories

தொடர்பான செய்திகள்

தமிழகம்

'டிட்வா புயல்' காரணமாக பாம்பன் கடற்பகுதியில் தொடர்ந்து அதிகரித்து காணப்படும் கடல் சீற்றம்...

தமிழகம்

நெருங்கும் 'டிட்வா' புயல்..! வெளுக்கும் மழை..!

தமிழகம்

டிட்வா புயலால் வெள்ளக்காடான விளை நிலங்கள்... விவசாயிகள் வேதனை......

தமிழகம்

சென்னைக்கு 520 கி.மீ தொலைவில் டிட்வா புயல்

தமிழகம்

கார் மீது விழுந்த தகரம் - அதிர்ஷ்டவசமாக உயிர்ச்சேதம் தவிர்ப்பு...

சமீபத்திய செய்திகள்

தமிழகம்

நெருங்கும் 'டிட்வா' புயல்..! வெளுக்கும் மழை..!

தமிழகம்

டிட்வா புயலால் வெள்ளக்காடான விளை நிலங்கள்... விவசாயிகள் வேதனை......

உலகம்

சென்னையில் இருந்து தெற்கே 400 கிலோ மீட்டர் தொலைவில் நிலை கொண்டுள்ளது“டிட்வா”புயல் - வானிலை ஆய்வு மையம்...

தமிழகம்

சென்னைக்கு 520 கி.மீ தொலைவில் டிட்வா புயல்

தமிழகம்

நெருங்கும் 'டிட்வா' புயல்..! வெளுக்கும் மழை..!

Get In Touch

Contact Info