13-வது நாளாக தூய்மை பணியாளர்கள் உண்ணாவிரதம்... ஒருவருக்கு உடல்நலம் பாதிப்பு...

எழுத்தின் அளவு: அ+ அ-

உடல்நிலை சோர்வுற்ற நிலையில் 13-வது நாளாக நான்கு தூய்மை பணியாளர்கள் போராட்டத்தில் ஈடுபட்ட நிலையில், ஒருவரின் உடல்நிலை மோசமானதால் அவர் சிகிச்சைக்காக மருத்துவமனையில் அனுமதிக்கப்பட்டுள்ளார்.

சென்னை மாநகராட்சியில் ஒப்பந்த தூய்மை பணியாளர்களாக பணியாற்றிய 2 ஆயிரம் தூய்மை பணியாளர்களை விளம்பர திமுக அரசு கடந்த ஜூலை மாதம் 31ஆம் தேதி பணிநீக்கம் செய்தது. அதன் பிறகு தனியார் நிறுவனத்திடம் சேருமாறு கூறியது. ஆனால் தூய்மை பணியாளர்கள் மீண்டும் தங்களுக்கு  மாநகராட்சியில் பணி வழங்க வேண்டும் எனவும், திமுகவின் தேர்தல் வாக்குறுதியான பணி நிரந்தரத்தை உறுதிபடுத்த வேண்டுமென 120 நாட்களாக போராடி வருகின்றனர்.

இந்நிலையில் தொடர் உண்ணா நிலை போராட்டத்தில் ஈடுபட்டுள்ள நான்கு தூய்மை பணியாளர்கள் இன்று 13வது நாளாக கடும் உடல் சோர்வுற்று காணப்படுகின்றனர். போராட்டத்தில் ஈடுபட்ட ஜெனோவா என்ற தூய்மை பணியாளருக்கு உடல்நலம் கடுமையாக பாதிக்கப்பட்டதால் சிகிச்சைக்காக மருத்துவமனையில் அனுமதிக்கப்பட்டுள்ளார்.

Night
Day