Jaya Plus News

எழுத்தின் அளவு: அ+ அ- அ

டிட்வா புயல் காரணமாக தமிழகத்தின் பல்வேறு மாவட்டங்களில் கனமழை பெய்து வருவதால் பொதுமக்களின் இயல்பு வாழ்க்கை பாதிக்கப்பட்டுள்ளது.

டிட்வா புயல் காரணமாக தமிழகத்தின் பல்வேறு மாவட்டங்களில் கனமழை பெய்து வரும் நிலையில், சென்னையிலும் நள்ளிரவு முழுவதும் விட்டு விட்டு மழை பெய்து வருகிறது. சென்னையில் இன்று மிக கனமழை பெய்யக்கூடும் என எச்சரிக்கை விடுக்கப்பட்டிருந்த நிலையில் கனமழை பெய்து வருகிறது. கிண்டி, ஈக்காட்டுத்தாங்கல், வடபழனி உள்ளிட்ட இடங்களில் கனமழை பெய்ததால், வேலைக்கு செல்வோர், வாகன ஓட்டிகள் அவதிக்குள்ளாகினர்.

தூத்துக்குடி மாவட்டம் ஓட்டப்பிடாரம் அருகே மாப்பிள்ளையூரணி பகுதியில் பெய்த கனமழையால் 100க்கும் மேற்பட்ட குடியிருப்புகளை வெள்ளம் சூழ்ந்ததால் வீடுகளை விட்டு வெளியே வரமுடியாமல் பொதுமக்கள் பாதிக்கப்பட்டுள்ளனர். குடியிருப்புகளை சுற்றி தேங்கியுள்ள மழை நீரை அகற்ற எந்தவித நடவடிக்கையும் எடுக்கவில்லை என பாதிக்கப்பட்ட பொதுமக்கள் வேதனை தெரிவித்தனர். முறையான வடிகால் வசதி, சாலை வசதி இல்லாததால் தான் குடியிருப்புகள் முழுவதும் மழைநீர் சூழ்ந்துள்ளதாக கூறும் கிராம மக்கள், தண்ணீர் வெளியேறாததால் நோய் தொற்று பரவும் அபாயம் உள்ளதாக தெரிவித்தனர்.

டிட்வா புயல் காரணமாக மயிலாடுதுறை மாவட்டத்தில் விடிய விடிய பரவலாக மழை பெய்து வருகிறது. மயிலாடுதுறை 18 மி.மீ, மணல்மேடு 12 மி.மீ, சீர்காழி 17 மி.மீ, கொள்ளிடம் 13 மி.மீ, தரங்கம்பாடி 24 மி.மீ, செம்பனார்கோயில் 17 மி.மீ என்ற அளவில் மழை பதிவாகியுள்ளது. தேசிய பேரிடர் மீட்பு படை மற்றும் மாநில பேரிடர் மீட்பு படையினர் மயிலாடுதுறையில், முகாமிட்டுள்ளனர்.

திருவாரூர் மாவட்டத்தில் விடிய ,விடிய மழை பெய்து வருவதால் பொதுமக்கள் வீடுகளிலேயே முடங்கியுள்ளனர். திருவாரூர், மன்னார்குடி, திருத்துறைப்பூண்டி, முத்துப்பேட்டை, நன்னிலம், குடவாசல், கூத்தாநல்லூர் உள்ளிட்ட பல்வேறு பகுதிகளிலும் பரவலாக மழை விடாமல் பெய்து வருகிறது. கடந்த சில தினங்களுக்கு முன்பு பெய்த மழையில் நெற்பயிர்கள் தண்ணீரில் மூழ்கிய நிலையில் தற்போதுதான், தண்ணீர் வடிந்தது. மீண்டும் மழை பெய்து வருவதால் விவசாயிகள் கவலையடைந்துள்ளனர்.

நாகையில் இரவு முழுவதும் கொட்டிதீர்த்த மழையால் நாகூர் வள்ளியம்மா நகர் குடியிருப்பு பகுதிக்குள் மழைநீர் புகுந்ததால் அப்பகுதி மக்கள் பாதிக்கப்பட்டனர். இந்த பகுதியில் 10 ஆண்டுகளுக்கு மேல் வடிகால் வசதி இல்லாமல் மழைகாலங்களில் பல்வேறு பிரச்சனைகளை சந்தித்து வருவதாக அப்பகுதி மக்கள் தெரிவிக்கின்றனர். உடனடியாக மழைநீரை அகற்றி தேவையான நடவடிக்கை எடுக்கவேண்டும் என கோரிக்கை விடுத்துள்ளனர்.

டிட்வா புயல் எதிரொலியாக நாகை மாவட்டத்தில் தேசிய பேரிடர் மீட்புப்படையினர் தயார் நிலையில் உள்ளனர். இதேபோன்று வேதாரண்யம் கோடியக்கரை சுற்றுவட்டார பகுதிகளில் காற்றின் வேகம் 65 கிலோ மீட்டர் வேகத்தில் வீசி வருவதால் பலத்த காற்றுடன் கனமழை பெய்து வருகிறது. கடந்த 24 மணி நேரத்தில் கோடியக்கரையில் 25 சென்டிமீட்டர், வேதாரண்யத்தில் 14.56 சென்டிமீட்டர், தலைஞாயிறில் 8.92 சென்டிமீட்டர் மழை பதிவாகி உள்ளது.டிட்வா புயல் காரணமாக பெய்து வரும் தொடர் மழையால் பொதுமக்களின் இயல்பு வாழ்க்கை பாதிக்கப்பட்டுள்ளது.

நாகப்பட்டினம் மாவட்டத்தில் கடந்த 24 மணி நேரத்தில் அதிகபட்சமாக கோடியக்கரையில் 25.08 சென்டிமீட்டர் மற்றும் சுற்றுவட்டார பகுதிகளில் 98 சென்டிமீட்டர் என மழை பதிவாகியுள்ளதால் பொதுமக்களின் இயல்பு வாழ்க்கை பாதிக்கப்பட்டுள்ளது. நாகை, திருமருகல், கீழ்வேளூர், தேவூர், திருக்குவளை, தலைஞாயிறு உள்ளிட்ட சுற்றுவட்டார பகுதிகளில் இடைவிடாது கனமழை பெய்து வருகிறது. மேலும் தாழ்வான பகுதிகளில் மழைநீர் தேங்கியுள்ளதால் பொதுமக்கள் மற்றும் வாகன ஓட்டிகள் கடும் சிரமத்திற்கு ஆளாகியுள்ளனர்.

ராமநாதபுரம் மாவட்டத்தில் பெய்து வரும் தொடர் மழை காரணமாக 500 ஏக்கருக்கு மேல் உப்பளங்கள் நீரில் மூழ்கியுள்ளது. தேவிபட்டினம், திருப்பாலைக்குடி உட்பட கடலோரப் பகுதிகளில் உப்பள பாத்திகள் அனைத்தும் மழை நீரில் மூழ்கியுள்ளன. ஏற்கனவே சேகரித்து வைக்கப்பட்டிருந்த உப்பு மூடைகள் தார்ப்பாலின் போட்டு மூடி வைக்கப்பட்டிருந்தாலும் அவைகளும் மழைநீரில் நனையும் சூழல் நிலவுகிறது. அதனால் உப்பளங்களின் உரிமையாளர்கள் கவலைக்கு ஆளாகியுள்ளனர்

தென்மேற்கு வங்கக் கடலில் உருவான 'டிட்வா புயல்' காரணமாக காரைக்கால் நகரப்பகுதி முழுவதும் கனமழை பெய்து வருகிறது. திருநள்ளாறு, கோட்டுச்சேரி, நெடுங்காடு, நிரவி, திருப்பட்டினம், நெடுங்காடு, உள்ளிட்ட பல்வேறு புறநகர் பகுதிகளில் தொடர் கனமழை பெய்து வருவதால் பொதுமக்களின் இயல்பு வாழ்க்கை பாதிக்கப்பட்டது. மேலும் கனமழை காரணமாக தாழ்வான பகுதிகளில் பாதிப்புகள் ஏற்பட்டால் உடனடியாக மாவட்ட நிர்வாகம் சார்பில் அமைக்கப்பட்ட 24 மணி நேரமும் இயங்கக்கூடிய இலவச கட்டுப்பாட்டு புகார் எண் 1070, 1077 என்ற எண்ணுக்கு புகார் அளிக்க மாவட்ட நிர்வாகம் சார்பில் அறிவுறுத்தப்பட்டுள்ளது.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

நெருங்கும் 'டிட்வா' புயல்..! வெளுக்கும் மழை..!

All Categories

தொடர்பான செய்திகள்

தமிழகம்

டிட்வா புயல் நெருங்கும் நிலையில் ராமேஸ்வரம், பாம்பன், தங்கச்சிமடம், தனுஷ்கோடியில் தொடர் கனமழை...

தமிழகம்

ராமேஸ்வரத்தில் தொடர் மழையால் வீடுகளுக்குள் புகுந்த மழை நீர்; இயல்பு வாழ்க்கை பாதிப்பு...

தமிழகம்

சென்னையில் இன்று மிக கனமழை பெய்யக்கூடும் என எச்சரிக்கை..!...

தமிழகம்

சென்னையில் இருந்து தெற்கே 380 கிலோ மீட்டர் தொலைவில் நிலை கொண்டுள்ளது“டிட்வா” புயல் - வானிலை ஆய்வு மையம்...

தமிழகம்

புயலின் தீவிரத்தை அறியாமல் பாம்பன் பாலத்தின் அழகை ரசிக்க குவிந்த சுற்றுலாப் பயணிகள் மற்றும் ஐயப்ப பக்தர்கள்...

சமீபத்திய செய்திகள்

தமிழகம்

ராமேஸ்வரத்தில் தொடர் மழையால் வீடுகளுக்குள் புகுந்த மழை நீர்; இயல்பு வாழ்க்கை பாதிப்பு...

தமிழகம்

சென்னையில் இன்று மிக கனமழை பெய்யக்கூடும் என எச்சரிக்கை..!...

தமிழகம்

சென்னையில் இருந்து தெற்கே 380 கிலோ மீட்டர் தொலைவில் நிலை கொண்டுள்ளது“டிட்வா” புயல் - வானிலை ஆய்வு மையம்...

தமிழகம்

புயலின் தீவிரத்தை அறியாமல் பாம்பன் பாலத்தின் அழகை ரசிக்க குவிந்த சுற்றுலாப் பயணிகள் மற்றும் ஐயப்ப பக்தர்கள்...

தமிழகம்

ராமேஸ்வரத்தில் தொடர் மழையால் வீடுகளுக்குள் புகுந்த மழை நீர்; இயல்பு வாழ்க்கை பாதிப்பு...

Get In Touch

Contact Info