Jaya Plus News

எழுத்தின் அளவு: அ+ அ- அ

கடற்படை, ராணுவப் பயன்பாட்டுக்கான சிஎம்எஸ்-03 தகவல் தொடர்பு செயற்கைக்கோள், ஸ்ரீஹரிகோட்டாவில் இருந்து பாகுபலி ராக்கெட் மூலம் வெற்றிகரமாக விண்ணில் ஏவப்பட்டது.

நாட்டில் தகவல் தொடர்பு வசதிகளை மேம்படுத்த இந்திய விண்வெளி ஆராய்ச்சி நிறுவனமான இஸ்ரோ இதுவரை 48 செயற்கைக்கோள்களை விண்ணில் நிலைநிறுத்தியுள்ளது. அதில், கடந்த 2013-ம் ஆண்டு செலுத்தப்பட்ட ஜிசாட்-7 செயற்கைக்கோளின் ஆயுட்காலம் விரைவில் முடிவடைய உள்ளது. அதற்கு மாற்றாக, ஆயிரத்து 600 கோடி ரூபாய் மதிப்பில் அதிநவீன சிஎம்எஸ்-03 ஜிசாட்-7ஆர் செயற்கைக்கோளை இஸ்ரோ வடிவமைத்தது.

4 ஆயிரத்து 410 கிலோ எடை கொண்ட இந்த சிஎம்எஸ்-03 செயற்கைக்கோள் இதுவரை புவிவட்ட சுற்றுப் பாதைக்கு ஏவப்பட்டதிலேயே அதிக எடை கொண்டதாகும். ஆந்திர மாநிலம் ஸ்ரீஹரிகோட்டாவில் உள்ள ஏவுதளத்தில் இருந்து பாகுபலி ராக்கெட் என அழைக்கப்படும் எல்விஎம்-3 ஜிஎஸ்எல்வி மார்க்-3 ராக்கெட் மூலம் இந்த செயற்கைக்கோளை திட்டமிட்டபடி நேற்று மாலை 5.26 மணி அளவில் செயற்கைக்கோள் வெற்றிகரமாக விண்ணில் ஏவப்பட்டது.

சிஎம்எஸ்-03 தகவல் தொடர்பு செயற்கைக்கோள் வெற்றிகரமாக விண்ணில் ஏவப்பட்டதை விஞ்ஞானிகள் உள்ளிட்ட அனைவரும் கைத்தட்டி மகிழ்ச்சியை வெளிப்படுத்தினர். செயற்கைக் கோள் புவிவட்டப் பாதையில் நிலை நிறுத்தப்பட்டதை இஸ்ரோ தலைவர் நாராயணன் உள்ளிட்ட விஞ்ஞானிகள் அனைவரும் கைகுலுக்கி வாழ்த்துக்களை பகிர்ந்து கொண்டனர்.

தொடர்ந்து செய்தியாளர்களிடம் பேசிய இஸ்ரோ தலைவர் நாராயணன், செயற்கைக்கோள் விண்ணில் வெற்றிகரமாக நிலைநிறுத்தப்பட்டது என்றும் இந்தத் திட்டம் 100 சதவீதம் வெற்றி பெற்றுள்ளது என்றும் கூறினார். சிஎம்எஸ்-03 செயற்கைக்கோள் குறைந்தது 15 ஆண்டுகளுக்கு தகவல் தொடர்பு சேவைகளை வழங்க வடிவமைக்கப்பட்டுள்ளது என்று கூறினார். இந்த செயற்கைக்கோள் பல புதிய தொழில்நுட்பங்களை உள்ளடக்கியது என்று கூறிய அவர், நாட்டின் தகவல் தொடர்பு திறனுக்கான இந்த முக்கியமான செயற்கைக்கோளை உருவாக்கியதற்காக இஸ்ரோவின் பல்வேறு மையங்களை சேர்ந்த குழுவினருக்கு வாழ்த்துகளை தெரிவித்துக் கொள்வதாக கூறிய அவர், கடற்படை தகவல் தொடர்பு மற்றும் கடலோர பாதுகாப்புக்கு இது ஊக்கம் அளிக்கும் என்று தெரிவித்தார். இந்திய கடற்படைக்காகவும், அதற்கு தேவையான கருவிகளுடன் உருவாக்கப்பட்ட அதிநவீன செயற்கைக்கோள் இது என்று குறிப்பிட்ட நாராயணன், அதிக எடை கொண்ட செயற்கைக்கோள் என்பதால், எல்விஎம் 3- எம்5 ராக்கெட் பாகுபலி ராக்கெட் என அழைக்கப்படுவதாக கூறினார்.

வெற்றிகரமாக விண்ணில் ஏவப்பட்டுள்ள சிஎம்எஸ்-03 செயற்கைக்கோள் குறைந்தபட்சம் 170 கிலோ மீட்டர் தொலைவிலும் அதிகபட்சம் 29 ஆயிரத்து 970 கிலோ மீட்டர் தூரம் கொண்ட புவி வட்டப் பாதையில் நிலைநிறுத்தப்படவுள்ளது. இந்த செயற்கைக்கோளில் விரிவுபடுத்தப்பட்ட மல்டி பேண்ட் தொழில்நுட்ப வசதிகள் உட்பட பல்வேறு நவீன அம்சங்கள் இடம்பெற்றுள்ளன. இந்திய கடற்படை மற்றும் ராணுவத்தின் பணிகளுக்காக இந்த செயற்கைக்கோள் பயன்படுத்தப்பட உள்ளது. கடலோர எல்லைகளை கண்காணிப்பதுடன், போர்க் கப்பல்கள், விமானங்கள் இடையே பாதுகாப்பான தொலைத் தொடர்பு சேவையை மேம்படுத்தியும் வழங்கும். ஒட்டுமொத்தத்தில் இந்தியாவின் கடல்சார் பாதுகாப்பை அதிகரிப்பதே இதன் முக்கிய நோக்கம் ஆகும்.

இதனிடையே, சிம்எஸ்-03 செயற்கைக்கோள் வெற்றிகரமாக ஏவப்பட்டதற்காக இஸ்ரோவுக்கு பிரதமர் மோடி வாழ்த்து தெரிவித்துள்ளார். இது தொடர்பாக எக்ஸ் வலைதளத்தில் பதிவிட்டுள்ள அவர், நமது விண்வெளித் துறை தொடர்ந்து நம்மை பெருமைப்படுத்துகிறது என்றும் இந்தியாவின் மிகப்பெரிய தகவல் தொடர்பு செயற்கைக்கோளான சிம்எஸ்-03 வெற்றிகரமாக ஏவப்பட்டதற்கு இஸ்ரோவுக்கு வாழ்த்துக்கள் என்றும் கூறியுள்ளார். நமது விண்வெளி விஞ்ஞானிகளால் இயக்கப்படும் நமது விண்வெளித் துறை, எவ்வாறு சிறப்பிற்கும் புதுமைக்கும் ஒத்ததாக மாறியுள்ளது என்பது பாராட்டத்தக்கது என்றும் பிரதமர் மோடி கூறியுள்ளார்.

Get In Touch

We must explain to you how all seds this mistakens idea off denouncing pleasures and praising pain was born and I will give you a completed accounts..

Consultation

விண்ணில் பாய்ந்தது 'பாகுபலி' ராக்கெட்

All Categories

தொடர்பான செய்திகள்

இந்தியா

டெல்லி கார் வெடிப்பு சம்பவம் : அமலாக்கத் துறை அதிரடி சோதனை

இந்தியா

தாக்குதலை நியாயப்படுத்தி பேசிய டாக்டர் உமர்

இந்தியா

டெல்லி கார் வெடிப்பு : 3 மருத்துவர்கள் உள்பட 4 பேர் விடுதலை...

இந்தியா

கல்குவாரி இடிந்து விபத்தில் மூவர் உயிரிழப்பு

இந்தியா

முதலமைச்சர் பதவியை இன்று ராஜினாமா செய்கிறார் பீகார் முதலமைச்சர் நிதிஷ்குமார்...

சமீபத்திய செய்திகள்

இந்தியா

தாக்குதலை நியாயப்படுத்தி பேசிய டாக்டர் உமர்

க்ரைம்

மன உளைச்சலால் தாம்பரம் போக்குவரத்து பணிமனை இளநிலை பொறியாளர் தற்கொலை...

தமிழகம்

ஒரு சவரன் தங்கம் விலை ரூ.1,120 குறைந்தது

தமிழகம்

நாளை முதல் SIR பணிகள் புறக்கணிப்பு

இந்தியா

தாக்குதலை நியாயப்படுத்தி பேசிய டாக்டர் உமர்

Get In Touch

Contact Info