தஹி பெயர் பிரச்சினையில் பின்வாங்கிய மத்திய அரசு : மாநில மொழியை குறிப்பிட்டு "curd" என அச்சிட உத்தரவு
Mar 30 2023 5:50PM
எழுத்தின் அளவு:
அ +
அ -
அ
தயிருக்கு பதில் தஹி என்று குறிப்பிட வேண்டும் என்று கூறியதை இந்திய உணவு பாதுகாப்பு மற்றும் தர நிர்ணய ஆணையம் திரும்ப பெற்றுக்கொண்டது. ஆவின் தயிர் பாக்கெட்டுகளில் இந்தி மொழியில் சொல்லப்படும் தஹி என்ற சொல்லை அச்சிடவேண்டும் என்று இந்திய உணவு பாதுகாப்பு மற்றும் தர நிர்ணய ஆணையம் அறிவுறுத்தியிருப்பதாக வெளியான தகவலால் சர்ச்சை எழுந்தது. தமிழ்நாட்டில் இதற்கு கண்டனங்கள் எழுந்த நிலையில் இந்திய உணவு பாதுகாப்பு மற்றும் தர நிர்ணய ஆணையம் இன்று ஒரு செய்தியை வெளியிட்டது. அதில், பாக்கெட்டுகளில் தயிருக்கு அந்தந்த பிராந்தியத்தில் உள்ள பொதுப் பெயரை அடைப்புக்குறிக்குள் இட்டு "curd" என்ற சொல்லை அச்சிட்டுக் கொள்ளலாம் என்று தெரிவிக்கப்பட்டுள்ளது.